Durante o próximo mês assistiremos a umha campanha espanholista lançada com o galho do Mundial de Sudafrica. Quando a Galiza disputa os seus jogos é ocultada tanto previamente como posteriormente, ainda que sejam um sucesso desportivo e popular. Porem, se estamos a falar da selecçom espanhola, todo está justificado.
Nestes momentos de crise onde no nosso pais há mas de 225.000 parados, onde existem mais de 450.000 galeg@s que nom chegam aos 900 euros mensuais e um de cada cinco vive por debaixo do considerado umbral de pobreza (isso só por ponher uns quantos dados), os futebolistas espanhóis seram os que cobrem maiores dietas de todo-los combinados se ganham o campionato do mundo, embolsando-se cada um dos seus integrantes 550.000 euros de prima. Isso sem engadir os gastos do complexo onde se concentram que inclui condiçons de gram conforte e do que nom se conhece o gasto. Mais ainda podedes sumar-lhe todo-los gastos de políticos que assistiram de balde a Sudáfrica, os gastos de promoçom, etc.
E mentres tanto Galiza nom pode participar por si neste Mundial. Nom por umha rígida norma de Direito Internacional, nem sequer por umha norma estatutária da FIFA que organiza esta demonstraçom futebolística. Singelamente, a eiva que impede a participaçom da nossa selecçom é o veto da Federaçom Espanhola de Futebol. E nom é verdade que haja que ser independente para participar no Mundial, já que Gales, Irlanda do Norte, Escócia, Hong Kong ou as Ilhas Faroe participam nos torneios classificatórios... E também Andorra ou Sam Marinho. Há que ver cada cousa...!
Desde Siareir@s Galeg@s animamos a escapar de toda esta ofensiva espanholista, e a denunciar a injustiça de que @s galeg@s nom poidamos nem disputar um jogo. Por isso lançamos esta campanha para que a difundades nas ruas, na rede e onde poidades:
GALIZA É A NOSSA SELECÇOM!
Espanha nomnos representa!
No hay comentarios:
Publicar un comentario